25 Chachu riwa wa tsro doka Musa wa wulude wari tsra Yeso.<<Nji ri tsro,>> Ka mɨyen,<<Me ti ngye me ri fe reriwa a ran kre ran?>> 26 << Ngye nye wa ŋnga rimi doka?<<Yeso ka tre. Bi kɨrau se?>> 27 Inji-a ka tre:<<<Nyɨme Izhi wen ri sron wen ri idɨri wen ri senkpa wen nga ri rimɨren wen>>>, Nga,<Yɨme wa kusan wen bibi riwa wu yɨme ngawen.<<> 28 <<Bi la tsra,>>Yeso ka tre.<<Ti ngamba bi ri sonbi.>> 29 Ama nji-a a ran wa ran tsro wa ri wawu ti tsra, ka mɨyen Yeso ri,<<Nga ngye he ri kusan won?>> 30 Yeso ka lawa ri:<<Nji ri a zhu ri Urushelima ran hi ri Yariko, ka gra riwo wa yɨbi. Wa gbon tsro wan, wari vu kongye wan hi ngamba, wa tsii wari hi kamba, chuwo ka ran wa ran kuu. 31 Rinkon wa ndu Izhi ri ka ran hi ku bubu wan, riwa a to nji-a, ka hu nghɨma nkon riwan hi ngawan. 32 Nga, nji Leviyawa ri, riwa a ri bubu wan ran to nji-a, ka vu yɨwa hu ku nghɨma nkon riwan. 33 Ama nji samariya a ran hi zɨren, ran ye bubu ri wa nji-a he; riwa a to nji-a, ka lo sron. 34 Ka ye ri wu ran lo njon wan-a riwu, ran zhu nghe mba ima ri ro ran sro riwu. ka ban nji-a sa ri nghɨma wan,ran gɨzhi hi ri ko riwa wa kpa tsɨren ki 35 Ri vi ri hari wan ka ban dinari hari ka no wawa wa ya tsɨren-a.<Ya wu,>Ka tre, ka me kɨma ye, me noyi ngbron kya riwa bi wuu.>

36 Imba Yeso ka miyen wa ri<<Nga rimi tra wanyi wu to a he wa kukpan nji riwa a gra riwo wa yɨbi-a?>> 37 Wa tsro doka Musa waka tre,<<Nji riwa a ya ri si losron.>>

Yeso ka lau,<<Hi bi ri ti bibi wan.>>