Lucas 16

Nji ri wo Ngha Lazarus

19 Yeso a bru tre,<<Inji ri wo riwa a suu tsro riwa a ti renga a ran to ro wan bla vi. 20 Ri nkon ko nji riwa a he ri wo nji ri a ran ibreriwa nde wan a he lazarus, a he ri njon kagon kpa wan 21 a ran yo sron ran ri kya riwa a zhu ri tebɨru nji ri wo rega. ka hu ri yawu wa ye ran ren njon wan-a.

22 << Ivi a ye riwa nji riya a kuu nga wandu Izhi waka ban wu hi ri bubu riwa Ibrahi a he. Inji ri wo ngawen ka kuu nga wa no yɨbi. 23 Ri bubu riwa wawa wa kuu wari ki ri gben chachu bla tre, nji riwo-a a ran so ya bran, ka nzu tu ran to Ibrahi nga Lazarus kusan wan. 24 Ka yo wu, <A ti Ibrahi, ya wen ri si losron wuri ti Lazarus ndu no son vren wo ri ima ran huen yo ri mo ri rɨme, ritu me so ya ri bubu ri nyi.>

25 Ama Ibrahi ka tre, <Ivren won, tika rivi riwa wu he ri si wu ran ri ro wan ama Lazarus a ran to ya, ziza ari to ro wan nga a wu wu to ya. 26 Kugon rimba, ri tsutsumbu ri wu nchon juju he ritu wawa wa he kunyi wana ya ye kumba ran nga wawa wa he kunyi wa ran ya ye kunyi ran.

27 Imba,<<Nji ri wo-a Ka nyime,< Me bre wu, a ti Ibrahi, ti lazarus ndu hi ri ko tiwon, 28 ritu me he ri mirivayi ton. No fen wa ton, ritu nowa ran ye ri bubu riwa me he nyi ran iya bran ri bubu wan.>

29 Ama,<< Ibrahi ka tre, <Wa miri vayi wen wa to Doka Musa nga mbe riwa imirindu Izhi wa ngha nowa mirivayi wan nowa wo kya riwa wa lawa.>

30 Ama nji ri wo-a ka tre ri Ibrahi,<Onhon, rimba ran tsra ran, ka njo ri a kuu ran bru hi riwa ran fen wa ton wa ka meme ti mba chuwo.>

31 Ama,<<A ti Ibrahi Ka tre, idan wana wo Musa nga wa ndu Izhi ran, ko ngha ran tashɨme ri bubu gyuru ran lawa wana kpanyɨme ran.>>>