Lucas 9

Yeso a no Nji Ngo Ton ri

10 Riwa wa ndu Yeso wa kɨma ye wa ri la Yeso kya wa hi wa ka ti. Yeso ka vu wa hi ngawan, wa bru ban kon ri tu wa hi gbu ri wa wa yo Batsaida. 11 Ama Igbu nji wo ngamba wa ri wurunde Yeso ka kpa wa ri nkon ye ran la wa tre kpanchison ri wa Bachi ran no si ri wawa wa su si.

12 Ri yawulu miri ndu wan wuru don hari wa ye wa ri tre, <<No gbunji wamba no wa hi ri gbu riwa wa kagon mba wari wa kya riwa wa ri nga bubu riwa wa kru, ritu bubu riwa ki he nji wa ran he ri bubu riwa ki he nyin ran. >>

13 Ama Yesu Ka tre wa ri,<< Bi yi no wa kya no wa ri,>>

Wa ka nyɨme ri,<<Ngbrewuru yɨmo ton nga ŋgibrelambe hari se kode ki hi kiri reri ye no gbunji.>> 14 Igbu roron ngo ton wa he ri bubu wan.

Ama Yeso Ka tre ri imirindu wan,<< Nowa kuson mme nji se titon.>> 15 Miriko wan wa ti bibi riwa a la wa, ko ŋnga ka son ri mme. 16 Imba Yeso a ban ŋkpon juju yɨwo ton nga lambe hari na ndzu ban shu, ran ngɨri ran kpɨru wa. Imba ka kano imirindu wan nowa ka no gbunji. 17 Wawu mba wa ri wari hwɨshi, nga mirindu wan waka vu zhuzhu wan sho sisen wuru don hari riwa wa don gbron wan.