Marcos 11

Yeso a Gra ri Urushalima ka Ichu

1 Riwa wa ye hwri ri Urushalima, ri gbu Betafaji nga Batani, ri bubu mgblu konkron Zaitun, Yeso ka ti miri ndu wan hari ndu, 2 Yeso ka tre wa ri, <<Hi ri gbu riwa a he kusi mbi mba, ri gra mbi ri bubu wan bi to vren lamkpron wa lo dzi riwa wa ran hon wu zari ran. Bi sii-u bi ri ngɨzhi ye. 3 Ka injo miyen yi ri, <Bi ti ngye nye ngamba?>Bi ka la-u ri,<Bachi ri wa ran ti ndu ri wu ran bru ngɨzhi ye. 4 Imba wa ka hi wari to vren lamkpron-a wa lo-u kusi ko ri kusan nkon riwa wa ran sii-u, 5 imba wawa wa he kusan mba waka miyen wa ri,<<Ingye ti? Bi sii vren lamkpron mba?>> 6 Waka kpa nyɨme bibi riwa Yeso a tre ri wa-a, imba waka chu wa wo no wa hi ngamba ri vren lamkpron-a. 7 Riwa wa ngiji vren jaki-a ye no Yeso wari zhu wa tsro mba lɨba ri gon wan Yeso ka hon son ri tu wan. 8 Imba nji kigbu wa ka wa tsro mba lɨwa ri wu ritu nkon nga wari waka tsen mvumvu rimi rɨma den ri wu ri nkon. 9 Wawa wa he kusi nga wawa wa he kugon wan wa ran kpagro iri,

<<Igbre he wa Izhi!

ilɨbu ndindi wan ri he wa nji riwa ari ye rimi nde Bachi

10 No Izhi ti lɨbu ndindi ri kpanchi son A ti mbu Doda riwa ari ye, igibree wa Izhi ri shu.>>

11 Riwa Yeso a gra ri Urushalima ran hi rimi tra ri bre Izhi ran ya kagon ko ngye a he, riwa yawuru a ti-e ka zhuu ran ka bru hi ri Batani iwa miri ndu wan.