Mateus 25

Ikɨbu tre nkɨren

14 <<Nganga, ari he ka nji riwa ari hi bubu zɨren, ran yo miriko wan ran ka kpi wan tiwa yo. 15 Iri a no sule ton ri nkɨren, nga ri wan a no sule hari, nga ri sule riri, ri ko ngha ri to wan. Ran hi bubu zɨren wan. 16 Nji riwa wa kpa sule ton a ka tindu ri nkɨren wan ran fe sule ton sro ngha. 17 Imba ngawen, nji riwa a kpa sule hari ka ti ndu ri wu ran fe sule hari sro ngha. 18 Ama nji riwa a kpa sule riri a shi juju ran ka nkɨren nji riko wan ri.

19 <<Kugon riwa a ban vi bran nji ri komba ka ye bubu riwa a ri kpa kpi wan riwa. 20 Nji riwa a kpa sule ton ka fe ton sro ngha. Ran tre, <Nji riko,>,<No wen sule ton. Me fe sule ton sro ngha.>

21 << Nji riko wan a tre, a bi, vren riko ndind! Wu to ti ritu kyawa fiwen; Me yo-u rinkon ri kyawa kigbu. ye ti kinklan sron nji riko wan.

22 Nji riwa a kpa sule hari ka ye ngawen.<Nji riko,>A tre,<wu no wen sule hari; me fe hari sro ngha.

23 << Nji riko wan ka tre,<A bi vren riko ndindi! Wu kpa nyɨme ri kyawa tsawen me yo-u rinkon kyawa kigbu. Ye ti kinklan sron ri nji riko wen!>

24 << Imba nji riwa a kpa sule riri ka ye.<Nji riko,>A tre, me to wu he nji riwa wuti bran wu sɨren bubu riwa wu ran chu ran nga wu ka kabruri bubu riwa wu ran sɨra bi ran. 25 Imba me ti sisɨri me ri ngɨzhi sule wen ka ri ri meme. Tomba, ngye ikya wen een.>

26 Njiriko wan ka tre, <A wu meme nji sankonchi vren riko!> Ashe wu to ri me sɨren ri bubu riwa me chu ran nga me ri ka kabruri bubu riwa me ran sɨra ran? 27 A he riwa wuri ka nkɨren won zi ri wɨron nkɨren, nde me bru ye me ri kpa nkɨren won ri han ngamba.

28 Kpa nkɨren mba riwu ka no nji riwa a he ri sule wuru. 29 Nji riwa a he wu wa no sro ngha, nga ari he riwu bran. Nji riwa a ran he riwu ran, ko kya wa a he ri wu wa kpa ri wo wan. 30 Ka meme vrenriko mba taga ri ra, rimi bu, bubu riwa wa yi wari tan nyiri.