35 Yesu akawalongela, "Nie ndo ndia ya ugima. Mnt’hu akeza kumwangu sekeahulike nzala, mnt’hu akunitogola sekeahulike nk’hilu mbwi. 48 Nie ndo ndia ya ugima. 51 Nie ndo ndia ngima itelemkile kulawa kuulanga kwa Mulungu. Mnt’hu yoyote akadya ndia ino naakale siku zose bila nk’homelezo. Na ndia hulonda kumwinkha ni mtufi wangu kwaajili ya ugima wa want’hu wa wose mui isi." 53 Yesu akawalongela, "Kweli huwalongeleni, ikawa hamkuudya mtufi wa Mwana wa Mnt’hu na kung’wa damu yake, sekemuwe na ugima mgati mmwenu. 56 Mnt’hu akadya mtufi wangu na kuing’wa damu yangu, akukala mgati mmwangu, na nie hukala mgati mmwake.
Mbuli zikugala ugima wa bila nk’homelezo
60 Ivo, wanahina wengi ivo wahulikile ivo, wakalonga, "Yano ni mafunzo madala. Niani akudaha kuyatogola?" 66 Kulawana na ayo ayalongile Yesu, wanahina wake wamwenga wakamuleka na hawalongozane nayo kaidi.