Mbokolo yi mwisi-Masedwani
6 Pawuli na Silase bahyokila yi kizunga ki Filizi na ki Ngalatiya, mu dyambu ti Mpeve Yilongo yibakakidila mu samuna Mambu ma Nzambi mu kizunga ki Aziya. 7 Bu baba bela-bela na kizunga ki Misi, bakubama mu kota mu kizunga ki Bitini, kansi Mpeve yi Yesu yibakakidila. 8 Buna bahyokila yi kizunga ki Misi na bakulumuka ku Towasi.
9 Mu mpimpa, Pawuli wutambula mbweno yimosi: mwisi-Masedwani wumuyenikina wutelama, na wedi mubombidila ti: «Hyokila ku nsi yi Masedwani, yiza wutusadisa!» 10 Ku manima ma mbweno beyoyo, ni tutumbu sosa mu kwenda ku nsi yi Masedwani, mu dyambu ti tukwikila ti Nzambi wedi tutumisa koko mu kwe samuna Musamu Wumbote.