Nyizulu yi Mpeve Yilongo
1 Kilumbu ki mukembo wu Pentekoti bu kifwana, minkwikidi mimvimba mi ba miyonzama ha kibuka kimosi. 2 Lusuku lufuma ku yulu bonso kitembo kingolo lutumbu kwiza fuluka mu nzo yimvimba yi baba bazakala. 3 Bayena bifwani bi ludimi bonso milaka mi tiya myedi kwe hambani na ku tentama ha yulu mutu wu kadi muntu mu yawu. 4 Bamvimba bafuluka mu Mpeve Yilongo, na batona mu zonza ndinga zihiika bonso Mpeve kedi twadisila kadi muntu mu zonza.
16 Kansi bwabu misamuna mumbikudi Yoeli myenzi detila:
17 Nzambi wuta ti: Mu bilumbu binsukunu,
mbo nadukula Mpeve ani ku bantu bamvimba,
baala beno ba babakala na babakento bana bikula,
zintwenya zeno zaayena mu mbweno,
mpe bihunda byeno baayena mu ndozi.
38 Petelo wubavutudila ti: «Viluleeno madyela: kadi muntu katambula mbotokolo mu nkumbu yi Yesu-Klisto mu dyambu di ndemvokolo yi masumu mandi, na mbo lutambula munkayulu wu Mpeve Yilongo.
41 Yobobo batambula mambu ma Petelo babotoko. Mpe kilumbu bekyokyo, mafunda matatu ma bantu mabwesama mu kabu di minkwikidi.