MAVANGA 4

Petelo na Yoane ha ntadisi yi kimvuka ki bakuluntu ba Bayudayo

1 Mu ntangu Petelo na Yoane yi bedi zonzanga ku mukangu, zinganga-Nzambi, mfumu yi minkengi mi nzo-Nzambi na basaduki bayiza. 2 Batoma fwema bu bayena Petelo na Yoane bana longisa mukangu na bana samuna mfulukulu mu bafwa mu nkumbu yi Yesu. 3 Bababwila na babatuula mu boloko natee kilumbu kilanda, mu dyambu ti bwisi bu kiyidila.