3 Yesu wuzaba ti Tata wutula bimvimba mu moko mandi, ti ku Nzambi kafuma, mpe ti ku Nzambi kaavutuka. 4 Bu bedi dyanga, Yesu wutelama, wukatula kinkutu kyandi kiba ha yulu, wubonga mulele na wukanga wo mu luketo andi. 5 Ku manima, wubulumuna mamba mu ndonga yiyinene, wutona mu sukula malu ma milongoki myandi, na mu kusuna mo mu mulele wukakanga mu luketo. 6 Bu katuula ha Simoni Petelo, yandi wumuteela ti: «Mfumu, ngeye wunsukula meno malu e?» 7 Yesu wumuvutudila ti: «Wuna bakula ko mi nina hidika mu kilokola bekiki, kansi mbo wubakula ku mutwala.» 8 Petelo wumuteela ti: «Kaani, waansukula malu ko.» Yesu wuvutula ti: «Tala ti na kusukudi mo ko, waabwesa ba naani kintwadi ko.»
12 Bu kamana basukula malu, Yesu wulwata dyaka kinkutu kyandi, wuvutuka ha meza na wubateela ti: «Luna bakula misamu mi naluhidikidi e? 13 Luna ntumisina ti "Mulongisi" na "Mfumu", kedika luna ta, mu dyambu ti Mulongisi na Mfumu nidi. 14 Tala ti meno nii Mulongisi na Mfumu nalusukudi bwabu malu, yeno mpe lufweti sukulanga malu yeno na yeno. 15 Kadi kyo ni kifwani ki naluheeni, mwanki lusadila bonso bu sidi ku yeno.