Paulus sien tweeda Breef aun de Korinta 5

17 Doawäajen, wan irjentwäa en Christus es, es hee eene niee Kjreatua; daut Oole es vegonen, kjikj, aules es nie jeworden. 18 Un aules es von Gott, dee ons met sikj selfst veseent haft derch Jesus Christus un haft ons dän Deenst von de Veseenunk jejäft. 19 Aulsoo wia Gott en Christus un veseend de Welt met sikj selfst un räakjend äant äare Sinden nich too un haft ons daut Wuat von de Veseenunk oppjelajcht. 20 Soo sent wie nu Bootschofta fa Christus, soo aus wan Gott derch ons ermont; wie bedden junt en Christus siene Städ: Lot junt veseenen met Gott. 21 Wiels Hee haft dän, dee von kjeene Sind wist, fa ons to Sind jemoakt, om daut wie wudden Gott siene Jerajchtichkjeit woaren en Am.