Salmos 121

Taw Maadey Xoossafe Yees

Pudethe keyishe yexiya mazmure

1 Taw maadoy awupe yaane gada,

taani deretako xeellas.

2 Taw maadoy

salonne sa7aa medhida Godaape yees.

3 I ne tohuwa harchisenna;

nena naageysi dhiskenna.

4 Isra7eele naageysi

zin7enanne dhiskenna.

5 Goday nena naageysa;

ne ushachan gididi, new kuya gidana.

6 Gallas awi nena meenna;

qamma ageeni nena qohenna.

7 Goday qohiyaba ubbaafe nena naagana;

I nena saro wothana.

8 Goday ne kessaane ne geluwa,

hachife merinaw naagana.