13 Neeni ta giddo asatethaa medhadasa;

ta aaye ulon tana neeni tiladasa.

14 Neeni tana malaalsiyabanne

yegelsi oothada medhida gisho,

taani nena galatayis.

Ne oosoti malaalsees!

taani hessa loythada erayis.

15 Taani geema bessan medhetiya wode,

ta meqethay neepe geemmibeenna.

Ta asatethay ta aaye ulon ciimmo giddon

hiillan alleeqetidi oosetiya wode,

16 ne ayfeti giigonna ta asatethaa be7idosona.

Buroo issoyka doometonna de7ishin,

ne taw buzoyida gallasa ubbay

ne mazgaben xaafetidosona.