Salmos 19

Xoossa Higgen Borey Baawa

1 Saloti Xoossaa bonchuwa haasayoosona;

salo gufanthoy iya kushe oosuwa awaajees.

2 Issi gallasi hara gallassas hessa odees;

issi qammi hara qammas eratethi qoncisees.

3 Odi woyko qaali baawa;

enta girsay si7etenna.

4 Gidoshin enta oday sa7a ubban laaletis;

enta qaalay biitta gaxaa gakis.

Awi de7iya bessi Xoossay salon giigisis.

5 Ba soope keyiya mishirada,

gaadde woxanaw ufaytidi giigida asada,

away wonta wonta keyees.

6 Issi bagga salo gaxape keyidi,

hara bagga salo gaxa gakanaw bees;

iya suulape geemmiyabay baawa.

7 Godaa higgey suure;

shempo zaarees.

Godaa kiitay ammanetidaysa;

akeeki pacidaysata cinca oothees.

8 Godaa wogay like;

wozana ufaysees.

Godaa kiitay geeshshi;

ayfe poo7isees.