Salmos 32

Nagari Atto Geetetida Asi Anjetidaysa

1 Iya nagaray atto geetetidaynne

iya nagaray kametida uray anjetidaysa.

2 Goday iya iitatethaa taybonna asi,

iya qofan cimoy bayna asi anjetidaysa.

3 Taani ta nagaraa paaxonna aggada,

kumetha gallas oolidaysi,

ta asatethaa daabursis.

4 Gallasinne qamma ne kushey tana deexis;

haathi dhayin bone awan melidibada,

ta wolqay wuris. Salaha

5 Taani ta nagaraa new paaxas;

ta naaquwa neepe genthabike.

"Ta nagaraa Godaas paaxana" yaagas;

tana deexida nagaraa atto gadasa. Salaha

6 Hessa gisho, xillo asi oonika,

ne bentiya wode nena woosso;

iita di7oy yaa wode he uraa gakenna.