Mazmure Maxaafa 95

Xoossas Galata Mazmure Yexite

1 Haayite; ane Godaa sabboos;

nuna ashshiya zaallas ufaysan ililoos.

2 Iya sinthe galatara shiiqoos.

Galata mazmure ufaysan yexoos.

3 Goday wolqaama Xoosse;

xoossata ubbaa bolla gita kawo.

4 Biitta ciimmoti iya qaaqan de7oosona;

deriya xeerati iyabaa.

5 I medhida gisho abbay iyabaa;

mela biittaa iya kushey oothis.

6 Haayite; ane gufannidi iya goyinnoos;

nuna medhida Godaa sinthan gulbatoos.