1 Mu masigi gago, kûbele kibûngo kikata kya bantû kibûngakene byonka. No hababele no kya kûlya. Yesû wêbetile bana babûganga bage no kwêbalombola: 2 "Nanibamwena lûsa bantû bano, kibalo nangikana nabo ano masigi gano gasatû, no habalê kyakûlya. 3 Ntêê nene kwêbaleka bagye kûmasese gabo, balê nondjala shabaûngêle mundjêla, kibalo bange nabo baima kûla."

4 Baana babûngaga bage bamuêndwêle: "Muno mukabenga muntû wêbûmona kwêê kyakûlya kya kwêbekûtya?"

5 Yesû wêbabulishe: "Mwino mikate ginga?"

Besambile: "Kiloba."

6 Nfulo ûtakêshe kibûngo kwêkana ansê. Kûwa ûtwalile mikate kiloba, no lwewêle kufwisha Kabesha Mpûngû, wigitimwine, no kwêbaha baana babûganga bebatange bantû; nobo balongile nansho. 7 Babele byonka no tûmisha tûnge tûketûke. Yesû umufwilishe Kabesha Mpûngû no kwêbalombola baana babûganga batange byonka nansho. 8,9 Bonse balêle no kwêkûta kûwa baana babûganga batolile biêndê bisigele bidjûlile tûtambala kiloba. No bantû balêle baningêlêlwe kûba elufu lina. Kûwa wêbebwêlêshe. 10 Lwendo lûmo, Yesû ûbandile munda gya bwato amo no baana babûganga bage, ûgêle mumwalo gwa Dalamanuta.

11 ✝Bafalisayo basile no kûbamba kûwakanania no Yesû. No kwakumutompa, bamulombile amonie kabandêlêlo kuima mwigûlû. 12 ✝Yesû hûûngêle biiko mumutêma gwage, wêsambile: "Kibalo kyakêê lûbyalo lûlû lwakûkeba kabandêlêlo? Sitêê nanimilombola, lûbyalo lûlû halûkaêbwa kabandêlêlo kokonse."

13 Kûwa Yesû wêbasigile, ûbandile mubwato, wêbwêlêle bwala bwa siba.

14 Baana babûganga bage babele bebêlêle kûtwala mikate, hababele no kintû nambo mukate gûmolo mubwato. 15 ✝Yesû wêbatakêshe kwana: "Mube meso no kidjûsho, Kya Bafalisayo no kidjûsho kya Helode."

16 Baana babûganga bage besongenie bobene: "Kibalo hababele no mikate."

17 Yesû ûsingûlwele mianda gya besongenie, wêbabulishe: "Kibalo kyakêê mwakwêsongenia kwana mwinghe mikate? Hamwalimanye byonka no hamwalisingûlûle? Kuana mitêma gyenyû gibusito? 18 ✝Mwino meso no hamwakumona? Mwino matwê no hamwakûtegelela? No hamwakwêdjûkana, 19 antimwine gilya mikate gitano no kwêbaha balya elufu litano? Mutwalile mitûngû ginga gidjule biêndê bya mikate?"

"Bamuendwele," kumi no gibêlê.

20 "Yesû wêbabulishe byonka," kyaba kyantimwine gilya mikate kiloba, "no kûlêsha bantû elefu lina, mutwalile tûtambala tûûnga?"

"Bamuêndwele," Kiloba.

21 Nfulo Yesû wêbabulishe: "Noene ano hamwalisingûlûle?"

22 Yesû no baana babûganga bage baikile Betesaida, bamuêlêle muntû gûmo mpoki, bamulombile no kumwisasa amukume. 23 Umukwatile mpoki kûkûboko no kumuimya andje gya kibûndê. Kûwa umusingile mata kû meso gage, no kumutenteka kûboko, no kumubûsha: "Wamona kintû kimo?"

24 Mpoki ûlwele wê sambile: "Namona bantû benagwe mitê gya kûtamba."

25 Yesû ûtentekile maboko gage byonka kûmeso ga mpoki. Noge ûmwene bisoga, abele poo, ûmwene byonse hûtû hûtû. 26 Kûwa Yesû umwibwêleshe no kumulombola: "Nokebwilili byonka mukibûndê."

27 Yesû no baana babûganga bage bagêle mubibûndê bya Kaisalia Filipo. Lwababele mundjêla wêbabulishe: "Bantû bakwêsamba nene nini?"

28 ✝ "Nobo bamuêndwêle bamo bakwêsamba kwana wê Yoano Mubatisha," bange bakwêsamba; "kwana wê Elia, no bange bakwêsamba kwana wê gûmo wabamoni."

29 ✝"Yesû wêbabulishe?" no benywe mwalisamba. "Kuana nene nini?"

Petelo umuêndwêle, "Gwee ûge Kilisitu."

30 Yesû wêbalagêlêle namukamulomboli muntû mianda gino.

31 Kûwa Yesû ubambile kwêbalanga baana babûganga bage: "Kimuyenene Mwana wa muntû andjembibwe biiko, kûbengwa no batata nkûlû, no bakûlû ba balambwili, no balangi ba bisila. No kwêyagwa, no nghimba gya masigi gasatû wêkashûka." 32 Lwalibalombwele mwanda gûgo hûtû hûtû. Petelo umuitile Yesû kûkondo no kûbamba kumukanda nokesambi nansho. 33 Mone Yesû wêbalabûkêle, wêbalwele baana babûganga bage, no umukankêle Petelo wêsambile: "Sindûka kûla nane Satana, maninga gobe haga Kabesha Mpûngû nambo ga bantû."

34 ✝Kûwa Yesû witile kibûngo no baana babûganga bage, wêbalombwele: "Muntû gense wakûkeba kûnonda nene, ebenge gemwine, etenteke mutê gwa mpênga mpetya gwage, anonde. 35 ✝Kwakûba muntû wakûkeba kûhandya ngikeno kyage wêkegisiminia, no muntû wêkasiminia ngikeno kyage kibalo kyane no kibalo kya musahû gûsoga wakegihandya. 36 Katolwa kêê kwa muntû kûba no bûheta bonse bwa kandje, noge asiminie bûkome bwage? 37 Kikêê muntû kyalêbuimia kwa kûhandya bûkome bwage? 38 Ntêê muntû gee kûtegelela nsoni kibalo kyane no mianda gyane, mbelê gya bantû bano balûbyalo lûlû, lusi lumukokele Kabesha Mpûngû, no bantomboki; Mwana wa muntû wêkamumwena nsoni muntû gûdjo, kikaba nansho lwenekasha mu ntûmbo gya Shage amo no masalagûlû galûmbûlûke."