Lucas 1

11 Kwetsibya netsibula, malaika wa Ninakuwetu amukimira. Amalaika uyo nianaimana kwa munda wa malyo wa butanda bwa mitulo bwa repfumbetsako abubani.

12 Sakariya abere amuxunga, nianaishalima, neubaha kutsibu. 13 Wetuwe, amalaika uyo nianamubwira mbu: «Sakariya, utaubahaa kubwishi Ongo ameumpfa amahemo mawe. Mukatsi wawe Lisabeti akakubutira mwana wa butsana yo ukaluka mbu ye Yohana. 14 Amwana uyo akakuletera lumoo na kishaaluko, na bandu bangi bakamoera arebutwa liwe. 15 Kureba endeba mukulukulu mwa mbere sa Ninakuwetu. Atendexoma tifai neri mandi mapfu*1:15 Soma Muancho 6:3.. Akinali mwa bula bwa nina, endeuchutsibwa aMutima Akomire. 16 Endetuma Baisiraeli bangi bafulukira Ongo Ninakuwabo*1:16 Soma Malaki 2:6.. 17 Endehika nga ndumwa ya Ongo. Na kandi, endeba na mutima na maala nga mutahwa Eliya. Endetuma ababuti barongana na bana babo. Na kandi, endebindula bo batenguha abinwa bya Ongo*1:17 Soma Malaki 3:23-24., kwebula mbu baate buteateanya nga bandu batunganene, mwa mbere sa Ongo. Kubatyo, endeba ni ameteanyira Ninakuwetu yo luanda lulingiriranyibwe kwemukokera.»