Yesu aingira mwa mulungu we Yerusalemu mu lubaho
28 Yesu abere ameotola ineena abinwa ibyo, nianaxondolera amuoba kweurukira i Yerusalemu. 29 Nianahika hofi na mutsi we Betifake na we Betaniya, kwa munda wa kitwa kya Miseyituni. Nianatuma babiri mwa bemitsa bewe. 30 Nianabwirabo mbu: «Muende mwa mutsi yali ira buxondotsi. Mukaba mwahikamo, mukashingana kyana kya punda kiabikirwe, nakyo kitetsi kya urukwako na mundu. Muabulekyo, nenireleterakyo. 31 Na hakeba mundu ya babutsa mbu amuabulirakyoki? Ni mwa muxubitsa mbu: ‹Ninakuwetu yalaire kukyo.›»
32 Abemitsa bo batumwaa niabanaenda. Bashingana abinwa ni biri ngakuno ko Yesu shabwirabo. 33 Babere bali yobaabula akyana kya punda ikyo, bechakyo niabanabutsabo mbu: «Era! Amuabula akyana kya punda kubwishi bwaki?» 34 Niabanaxubya mbu: «Ninakuwetu yalaire kukyo.»
35 Inyuma kwaho, niabanaletera Yesu akyana kya punda ikyo. Ni abanashesha kukyo asangimba sabo, niabanaurukya Yesu kukyo. 36 Abere ali yaenda, abandu bereshesha asangimba sabo mwa nchira19:36 aBayahuti babaa banere kokera abakulukulu babo mwe shesha asangimba sabo mwa nchira kwe bwerekya ku bapfirebo xoni.. 37 Yesu abere ahara hofi ne Yerusalemu, aharakima kwa kitwa kye Miseituni, amuoba woshe wa bemitsa bewe bereenda ni abamoa kutsibu. Batangira isingya Ongo mu mulenge mule kubwishi bwa tushingishiro toshe to babaa bamelolako. 38 Bereneena mbu:
«Aashanirwe Amwami yahika mwetsina ra Ninakuwetu!
Abuholo bube mu mbingu,
ne Ongo ahabwe ngulu19:38 Soma Saburi 118:26.!»
39 Bafarisayo bauma mu bobabaa kwa muoba wa bandu, babwira Yesu mbu: «Mwiyisa, kemera abemitsa bawe mbu batsire!»
40 Yesu nianaxubitsabo mbu: «Anibabwira mbu, aba bangaba baketsira, amabale ni makalehya amilenge!»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)