Ʉmanyisi nʉa kʉaɨɨlya nɨangɨɨza
1 Yesʉ wɨkalongeleka kʉmanyisa, "Mʉkendegeele nɨ mʉkitʉma intendo yanyʉ ninza, mʉleke kitʉma pa ntongeela yaantʉ mʉhʉme kʉgozwa nɨ antʉ ʉdu, kʉsoko anga mʉtende itɨ, shanga mʉkʉpegwa anga kɨpegwa nʉ Tata anyʉ nʉa kigʉlʉ.
2 Ingɨ, nɨmʉkʉaɨɨlya akʉmbɨli, leka kitanantya kʉ antʉ. Ʉleke kʉtenda anga atambʉla ʉteele nɨɨtambʉla mʉnkɨka nɨɨtankanɨlya Ayahudi nʉ mʉnzila, ahʉme kʉkʉligwa nɨantʉ. Tai nʉmʉtaambʉɨe nɨanso apantɨkile kɨpegwa kao. 3 Ingɨ ʉewe nʉkʉmʉaɨɨlya mʉkʉmbɨli, tenda itɨ ga nʉ mʉhʉmba mɨako nʉa pakupɨ waleke kʉlɨnga nʉkɨtendile. 4 Kʉitɨ ikani nɨlanso lɨkʉtula la ʉnkunku kʉng’wako, nʉ Tata wako nʉwɨona nʉkɨtendile kɨnkunku, ʉkʉʉpa kɨpegwa.
Yesʉ ʉkʉmanyisa malompi
Lʉka 11:2-4
5 Kʉlʉlo gwa, "Nʉnyenye nɨmʉkʉmʉlompa, mʉleke kʉtenda anga atambʉla ʉteele nɨɨtenda. Kʉnsoko nɨanso ilowa kʉmʉlompa Itunda azeimɨkile kʉ ntongeela nyʉmba niya kʉtankanɨla Ayahudi nʉ mʉmpelo mpelo nɨya nzɨla ɨantʉ ahʉme kʉakʉlya. Itaɨ kʉmʉtambʉɨla, awaitɨ apantɨkile ɨkɨpegwa kao. 6 Ingɨ ʉewe nʉkʉmʉlompa Itunda, ingɨle kʉmbele, ʉsʉshe mʉlango, sʉnga wandye kʉmʉlompa ʉ Tata ako nɨshanga wɨgela kikelʉ. Nʉng’wenso nʉɨona nakɨnkʉnkʉ ʉkʉʉpa kɨpegwa kako.
Makani a kʉgwalya kʉlya
16 Yesʉ wɨkalongoleka kʉmanyisa, wɨkaaila, "Mʉleke kʉtʉla nʉʉkɨa itʉngo nɨmʉgwaɨye kʉlya anga atambʉla ʉteele. Nɨanso ɨhininala kʉ ʉsʉ aonwe nɨantʉ kɨna agwaiye kʉlya. Kʉmʉila taɨ nɨanso apantikile ɨkɨpegwa kao. 17 Ingɨ ʉewe nʉgwaiye kʉlya, kalala ʉ ʉso wako wikʉye kɨlaha mitwe, 18 ingɨ mʉntʉ wɨhi waleke kʉlɨnga kɨna ʉewe ʉgwaiye kʉlya, walɨnge ʉ Tata ako du nɨshanga wigela. Nʉ Tata ako nʉɨona aya nʉkitʉma kɨnkunku ʉkʉʉpa kɨpegwa kako.
Lʉka 12:33-34