3-16 muwsa isixen dwiy n rebbiy, yuwa: «almiy afiseḏef lliy diyma yella al tammurt n ikenƹaniyen mammeḵ yedjullaḵ aḏ yedjul y babniḵ bac afentedyuc, yexs aḏuceḏ y lliy diyma yella kul bedri, aḏ kul jjar d mezwar n zwayeliḵ. amma jjar mezwar n iγyal atefdiḏ s ƹelluc naγ atenγeḏ. we afdiḏ am idin kul bedri seg ṭarwaḵ.
lemmi afisesten mammeḵ as iḍen: < matta lmeƹnas ayuh?> asterreḏ: < rahiy s lqudertis ysefγaneγ lliy diyma yella seg miṣr lliy nusi diyes d ičiwen. aḏ lemmi iƹaneḏ ferƹuwn aḏ wiyeqqil aγeniseyyeb, yenγa lliy diyma yella ibedriyen lkul n midden aḏ zwayel g miṣr. afelxaḍert n ayuh attuceγ ijjaren imezweren n zweyliw aḏ feddiγ kul bedri seg ṭarwew.
we aydel ayuh n lwajeb am lemereṯ teteḍhered af fusiḵ aḏ af ujebbuhiḵ bac adnesmita mammeḵ rebbiy ysefγaneγ seg miṣr s ffus qwi. > »
«smiteṯ ayuh n as lliy ysefγawem diyes lliy diyma yella s ffus qwi seg miṣr lliy tusim diyes d ičiwen. afelxaḍert n ayuh witetteṯc aγrum s lexmireṯ g ussan n tfeṣka. rahiy g as uh seg cehher n abiyb kennim tefγem. almiy afenniseḏef lliy diyma yella al tammurt n ikenƹaniyen aḏ iḥeyṯiyin aḏ lemuwriyin aḏ lḥwiyin aḏ lyebuwsyin, tammurt teḏḏin lliy tetcur d aγi aḏ d tamemt, aḏ lliy yedjul rebbiy y ibabnuwem tafentedyuc, yexs aggem ayuh n tfeṣka g ayuh n cehher.
7 d ussan witetettemc disen aγrum s lexmireṯ. aḏ g as 7 amleqim we aẓellem y lliy diyma yella. 7 d ussan ačam disen tqurset aḏ witetḥerzemc ḥaja texmer naγ diyes lexmireṯ g tammurtuwem lkul. g ussan n tfeṣka yexs asiḵneḏ y memmiḵ we astemleḏ: «yexs aneg ayuh n lwajeb bac adnesmita lliy rebbiy ysefγeneγ seg miṣr.»
we aydel ayuh n lwajeb am lemereṯ teteḍhered af fusiḵ aḏ af ujebbuhiḵ bac aḏufleyeḏ af cceriyƹeṯ n lliy diyma yella y terweḵ we asentsiḵneḏ mammeḵ ysefγaḵ lliy diyma yella seg miṣr s ffus qwi. we aggeḏ ayuh n lwajeb tijekkelt kul suggas g lweqtis.»
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)