ṣṣedqeṯ
1 rreṯ lbaluwem aggem lxiyr zzaṯ midden bac afennezren. kan teggim amyuh wiγerwemc ṯweb al babewem lliy g ujenna.
2 kan tṣedqeḏ af yjen witegc ṭbel mammeḵ tteggen lliy xsen atenzren midden g lmjameƹ aḏ ibriyḏen, bac atencekren midden. lḥeq afenemleγ: «rahiy lqan ṯwebsen.»
3 amma cekkin almiy taṣedqeḏ witedjac fusiḵ zelmaḍ ayessen mag yettuc ffus n limin. 4 yexs addel ṣedeqtiḵ g cceḥdan aḏ babiḵ lliy g ujenna d netta lliy izer matta yeḥrez. netta lliy tafyuc ṯwebiḵ.
6 amma cekkin almiy teẓelleḏ, ḏef al lbiytiḵ. arr lbab fellaḵ. ẓẓal y ibabiḵ lliy witeḍhirc. aḏ babiḵ lliy yessen matta teḥrezeḏ netta lliy tafyuc ṯwebiḵ.