Wakolinto 12

Lukuli lumwe uli na vilungo vingi

12 Lukuli una vilungo vingi, mbali vilungo ivo vingi wotenda lukuli umwe, baho kama lukuli vuwili ivo vuwili kwa Kilisito. 13 Cheye chahawa Wayahudi, hebu Wayunani, watumwa hebu wanhu hawali watumwa, chose chibatizigwa kwa Muhe iyo umwe mulukuli uwo umwe, na chose ching’higwa Muhe iyo imwe.

14 Kwavija lukuli hauli chilungo chimwe tu, mbali vilungo vingi. 15 Kama mgulu wahailongela, "Kwa vija niye sio mkono, baho niye sio walukuli," ivo, kwakulonga ivo, iyo yotenda mgulu sio lukuli? 16 Najo gutwi dahalonga, "Kwa vija niye sio siso, ivo,kwa kulonga ivo, iyo kulonga sio lukuli," ? 17 Kama lukuli wose wahawa siso, ihawilize kuhulika? Na kama lukuli wose wahawile gutwi, ihawileze kunusa? 18 Mbali kama viili, Mulungu kavika vilungo hakwehakwe valukuli kama viyalondile. 19 Kama vilungo vose vahawile chilungo chimwe, lukuli wahawile kulihi! 20 Ukweli uo uno vilungo ni vingi ila lukuli lumwe.

21 Kwaivo, siso hadidaha kuulongela mkono, "Gweye uko sikulonda," hebu ditwi hadidaha kugalongela magulu, "Mweye uko siwalonda!" 22 Ila vilungo vioneka havidaha kutaza ivo vilondeka ng’hani, 23 kaidi vija vilungo va lukuli vioneka ni vakuzeleuligwa ivo choving’ha nhogolwa, navo vilungo vetu va lukuli vija vooneka vogala chilanya, ivo chovika goya ng’hani, 24 vilungo vetu vili na nhogolwa havilonda kwin‘igwa goya kama vimwenga. Mbali Mulungu mwenyego kawika goya vilungo va lukuli, vilungo vija vozeleuligwa koving’ha nhogolwa. 25 Ili sekekulawile kuibagula muulukuli, mbali vilungo vose vitende sang’hano hamwe. 26 Kama chilungo chimwe chhalumila, vose volumila hamwe na icho. Kaidi chilungo chimwe chiheng' higwa nhogolwa, vose vodeng' helela hamwe na icho.

27 Baho, mweye wose ni lukuli lwa Kilisito, chila munhu ni chilungo cha uwo lukuli.