Wakolinto 7

32 Vinilonda niye mweye sekemgaye. Munhu yalibule mwehe iyo kosang’hanika na sang’hano za Mndewa na kwavija kolonda kumnogeza Mndewa. 33 Mulume yasolile mwehe iyo kohunganikila mbuli za muiisi vija vonda yamnogeze mwehe wake, 34 nayo kaigola mzimbuli mbili. Mwanachike ija hanasoligwa hebu mhambe kohunganika na mbuli za Mndewa ili yaulave lukuli na muhe kwa Mndewa, mbali mwehe yasoligwe nayo kohunganikila mbuli za muiisi, kwavija konda yamnogeze mulume wake.

35 Nowalongeni gano ili nimtazeni, na sio kwa kuwakimila. Mbali nolonda mkale goya ili mdahe kumsang’hanila Mndewa vinogile.