2 Coríntios 6

4 Badili yake choilagusa kweli kua watumigwa wa Mulungu kwa chila chinhu. Kwa kufunya moyo ng’hani chipindi cha madununzo, udala na kugaya. 5 Chitoigwa na chigeliwa mdigeleza na chizomeligwa hazelu, chisang’hana sang’hano chilegela, chiwasa meso na kusinda nzala.

6 Choilagusa kua watumigwa wa Mulungu kwambuli ya moyo unang’hane na umanyi na kufunya moyo na kutogoliwa, kwa Muhe wa Mulungu, kwambuli ya wende ulibule ubilikizi, 7 kwa usenga wa kweli na kwa udaho wa Mulungu. Kutogoligwa ni gwamo na mgoha wetu wa chila ubanzi, kutoa na kuikimila. 8 Cheye chomsang’hanila Mulungu, chotogola kutegelezigwa hebu kuzeleuligwa, kulaumigwa hebu kwing’higwa nhogolwa. Wochitonga kua wavwizi, kumbe cholonga kweli, 9 kama hachimanyika, kumbe kwa wose chomanyika, kama wanhu chidanganike, mbali kama vumchiona cheye chawagima kabisa. Hata yahawa chitoigwa, mbali ching’hali na ugima, 10 hata yahawa chooneka chigeligwa giogio ila chodeng’helela mazua gose, hata chahawa chooneka vikumbi muyega, chowatenda wanhu wengi kua wazenzi, chooneka chabule chinhu chochose kumbe china chila chinhu.