10 Kuwa na giogio kama viyolonda Mulungu, kokutenda kuhinduka moyo na kuhinduka uko kotenda wanhu waleke malozo na kugala ulohozi, baho habule mbuli ya kulumila mmoyo. Mbali giogio da muuisi jogala ifa. 11 Sambi modaha kuona malawilo ganogile ga kukala na giogio kama Mulungu viyolonda. Mweye sambi mpata kua wanhu wa kuiyoha na mli na mbuli ya kulonga kua mwabule ubananzi, kua na ludoko na ubananzi na kumtegeleza Mulungu, na kuiyoha na kuona kua gamlondeka kutendeligwa gotendeka. Mweye muilagusa kwa nzila zose kua mwabule da kulamuligwa.