6 Sekemuisemwe, yohanda mbeyu ndodo kogobola hadodo, yohanda mbeyu nyingi kogobola hakulu. 7 Chila munhu baho, na yalave kama viyalonda mwenyego, mmoyo na wala sio kwa ugila hebu kwa kuswangizigwa, kwavija Mulungu komwing’ha wende ija yolava kwa deng’o. 8 Mulungu kodaha kumwing’hani mweye vingi kubita vija vumlonda, mmazua gose mweye mpate chila chinhu chimlonda, na baho mgendelele kutaza mui kila sang’hano inogile. 9 Kama Mayandiko ga Mulungu vigandikigwe,

"Nayo hulava kwa nying’ha

huweng’ha vikumbi muyega, utogoligwa wake ukale mazua gose galibule uhelelo."

10 Mulungu iyo yomwing’ha mlimi mbeyu ya kuhanda na ndia ya kuja. Komwing’hani ivija mbeyu zimlonda, kozitenda zote na zikule, na kuwatenda mgobole ng’hani kwa nying’ha yenu. 11 Iyo komwing’hani uzenzi mkulu wa chila chinhu mmazua gose ili mweye mpate kumwing’ha hewela Mulungu kwambuli ya gweko jenu wadibokele kulawa kumwetu. 12 Yokua ivo, kwavija sang’hano ino ya Mulungu imuisang’hana sio kua yotaza vinhu vilondeka kwa mbuli ya wanhu wa Mulungu waiyeka, bali ivija yowatenda wanhu wengi wamwing’he hewela Mulungu.