5 Baho, Petulo kekigwe mdigeleza, mbali wamtogole Kilisito wasonga kumpulila ng’hani kwa Mulungu.
7 Bahaja mtumigwa wa kwa Mulungu kema behi nayo, na muja mgati mulawilila bung’hulo, ija mtumigwa wa kwa Mulungu kamwamha mulubavu kamulamusa kalonga, "Lopola wime." Bahaja minyololo ija idumuka mmakogo ga Petulo. 10 Wabita hanhu ha mosi na hakaidi ha wimilizi, labaho wavika haulwivi wa zuma wakwingilila muikae. Lwivi ijo da zuma divuguka denyego nao walawa kunze. Viwakalile wogenda muinzila imwe bahaja ija mtumigwa wa kwa Mulungu kamleka Petulo yaiyeka.
12 Viyamanyile ivo kagenda dimwe kwa dimwe mbaka ukae kwa Malia mami yake Yohana yokemigwa Maluko. Umo wanhu wengi wakala waikunzanye kuno wopula. 13 Petulo viyatoile hodi haulwivi wa kunze mtumwa wa chike yokemigwa Loda, keza kumtegeleza. 14 Viyaditambule dizi da Petulo kadeng’helela ng’hani kabwela bila kuvugula lwivi na kuwalongela Petulo kahanze haulwivi. 15 Wamulongela ija mndele, "Kuna chichala!" Mbali iyo kagangamiza kua ni kweli nao wamlongela, "Iyo mtumigwa wake wa kwa Mulungu." 16 Mbali Petulo kagendelela kutoa hodi nao viwavugule lwivi na kumuona Petulo wakanganya.