12 Mbali Galio viyakalile mkulu wa isi ya Akaya, Wayahudi wamvamila Paulo na kumgala mchitala, 13 walonga, "Munhu ino kowaswangiza wanhu wamfugamile Mulungu bila kuwinza ndagizi viilonda!"
14 Paulo viyakalile yang’hali hanalonga, Galio kawalongela Wayahudi, "Tegelezeni mweye Wayahudi, kama kweli mbuli ino yahawile yakumtoa munhu hebu ya ubananzi nihawategelezeni. 15 Mbali kwavija kwambuli ya ulonzi na mazina hebu ndagizi zenu lamuleni wenyego. Niye silonda kuwa mlamuzi wa mbuli izo!" 16 Baho kawawinga kulawa mchitala.
17 Nao wose wamgela mmakono Sosetene ija chilongozi wa ng’anda ya kuiting’hanila Wayahudi, na wamtoa haulongozi wa chitala. Mbali Galio hatongile mbuli iyo hata chidodo.