13 Wayahudi wamwenga wahunga vinyamkela waita uko na uko kuno wogeza kutumila zina da Mndewa Yesu kwa waja wakalile wambule vinyamkela. Wakala wolonga, "Nolagiza kwa zina da Yesu ija Paulo yakalile yomligula." 14 Hakala na wabwanga saba wa Sikewa ija mkulu wa walava nhambiko wa Kiyahudi, nao wakala wotenda ivo.
15 Zua dimwe chinyamkela kawedika, "Yesu nommanya na Paulo nommanya, mweye mwa china nani?"
16 Labaho ija munhu yambule chinyamkela kawavamila na kuwatoa na kuwahuma kwa ludabwa. Nao wabwanga wa Sikewa wakimbila na kulawa kunze muing’anda bila chivalo.