Maluko 5

35 Yesu viyakalile yang’hali yolonga, wanhu wavika kulawa ukae kwa Yailo wamlongela, "Biti yako kadanganika habali ung’hani komgaza mfundaji?"

36 Mbali Yesu hawagesile gaja gawalonga, ivo kamlongela ija mkulu wa ng’anda yakuiting’hanila, "Seke udumbe, gwee togola tu." 37 Ivo hamlekile munhu yoyose yamuwinze badili ya Petulo na Yakobo na Yohana mdodoake Yakobo. 38 Viwavikile ukae kwa Yailo, Yesu kaona tulikizi, wanhu wolila chaka, weli na ndilo ili na kulombokeza ng’hani. 39 Baho Yesu kengila mng’anda, kawalongela, "Habali mogala tulikizi kuno molila? Mwana ino hadanganike ila kawasa tu."

40 Waja wanhu wamseka kwa kumzeha. Mbali Yesu kawalava kunze wose kuyawasile ija mwana, kawasola tata na mami yake imwana na waja waluko wake wadatu yelinao. Wengila mng’anda mbaka hayeli ija mwana. 41 Kamwamha mkono ija mwana na kamlongela, "Talita kumi!" Manake, "Biti, nokulongela lamuka!"

42 Bahaja biti ija kalamka kema, na kasonga kugenda Mwana iyo kakala na ukulu wa milao kumi na midi. Nao viwagaone gago gawakanganya ng’hani. 43 Yesu kawalagiza kwa kugangamiza seke wamlongele munhu yoyose mbuli ino. Na ivija kawalongela wamwing’he ndia ija mwana yaje.