Marcos 7

Tumanilo da muke imwe heli Myahudi.

24 Baho Yesu kasegela uko na kaita mzikae zili habehi na kae ya Tilo. Kengila muing’anda imwe, nayo halondile wanhu wavimanye kengila umo mbali hadahile kuifisa. 25 Mbali muke imwe yeli na mwana yambule chinyamkela, kahulika mbuli ziyatenda Yesu, na viyahulike Yesu ka haja keza na kumtumbalila mavindi Yesu. 26 Kampula Yesu yamlave mwanage chinyamkela. Muke iyo hawile Myahudi, mbali kaleligwa uko Foinike isi ya Silia. 27 Yesu kamlongela, "Tebu walekeni tanhu wana wegute, kwavija havinogile kusola ndia ya wana na kuwapigisila umbwa."

28 Mbali muke ija kamwidika, "Mndewa chuulonga kweli, hata umbwa woja ndia ilagazigwa muimeza na wana."

29 Baho Yesu kamlongela, "Kwa ivo vuwidikile, genda ukae yako, na chinyamkela kamlekesa biti yako."

30 Kabwela ukae yake na kamvika biti yake katambalala mdikomwa, na chinyamkela kamala kumlekesa.