17 ଏଚିବେ଼ଲା ମାହାପୂରୁ କକାଣି ଡ଼ୀକି ୱେଚେସି; ଇଞ୍ଜାଁ ମାହାପୂରୁତି ଦୂତୁ ହା଼ଗୁଲାକଟି ହା଼ଟାହାଁ ହାଗାରନି ଏଲେଇଚେସି, "ଆଲ, ହାଗାର ନିଙ୍ଗେ ଏ଼ନାଆଁ ଆୟାତେ ? ଆଜାଆନି; ଇଚିହିଁ ଏମିନି ଟା଼ୟୁତା କକାସି ମାନେସି, ଏ଼ ଟା଼ୟୁତା ମାହାପୂରୁ ଏ଼ୱାଣି ହା଼ଡା ୱେଞ୍ଜାମାନେସି। 18 ନୀନୁ ହାଲାମୁ କକାଣାଇଁ ପେର୍ହା କଡାହାଁ ଏ଼ୱାଣି କେୟୁ ଆହ୍ମୁ; ନା଼ନୁ ଏ଼ୱାଣି ତା଼ଣାଟି ର଼ କାଜା କୂଡ଼ା ହ଼ପ୍ଇଁ।" 19 ଏଚିବେ଼ଲା ମାହାପୂରୁ ତାନି କାନୁତି ଦେତେସି, ଅ଼ଡ଼େ ଏ଼ଦି ର଼ କୁହି ମେସ୍ତେ ଇଞ୍ଜାଁ ଏମ୍ବାଆଁ ହାଜାହାଁ ଏ଼ୟୁ ନେଞ୍ଜିକିହା ତାଚାହାଁ ମୀର୍ଏଣାଇଁ ଊଟ୍ହେ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)