ମୂଲୁ 3

17 ଅ଼ଡ଼େ ଏ଼ୱାସି ଆଦମଇଁ ଏଲେଇଚେସି, "ଏମିନି ମା଼ର୍‌ନୁତି ପା଼ଡ଼େୟି କାତା ନା଼ନୁ ନିଙ୍ଗେ ହୁକୁମି ହୀହାଁ ମାଞ୍ଜାତେଏଁ, ଏ଼ଦାଆଁ ତିନଅତେରି, ନୀନୁ ନୀ ଡକ୍ରି କାତା ଆସାହାଁ ଏ଼ଦାଆଁ ତିଞ୍ଜାମାଞ୍ଜି; ଏ଼ଦାଆଁତାକି ନୀ କ଼ସମି ବୂମି ବା଼କା ବେଟାଆ଼ତେ; ନୀନୁ ହା଼ନି ପାତେକା କସ୍ତ ତଲେ କା଼ଦି କାମ୍ବିକିଦି। 18 ଏଚେଟିଏ ଜା଼ଡ଼ା ଜା଼ଣ୍ତୁ ଅ଼ଡ଼େ ହା଼ପ୍‌କା ନେୟିଁନୁ, ଅ଼ଡ଼େ, ନୀନୁ ବୂମିତି ଜା଼ୟୁକୁଚା ତିଞ୍ଜି। 19 ନୀନୁ ଏମିନି ଦୂଡ଼ିଟି ଗା଼ଡ଼ିଆ଼ତି, ଏମ୍ବାଆଁ ଆଣ୍ତାଆ ପାତେକା ମୂମ୍ବୁତି ଗା଼ମା ଟିକ୍‌ଉଣିତା ଜେ଼ଜାହାଁ କା଼ଦି ତିଞ୍ଜି; ଏ଼ନିଇଚିହିଁ ନୀନୁ ଦୂଡ଼ିଟି କେ଼ପିଆ଼ତି ଅ଼ଡ଼େ ଦୂଡ଼ିତା ୱେଣ୍ତେ ଆଣ୍ତିଦି।"