Mateus 14

28 Aw pigtatawag ni Pédro si Jisus, "Kay Magpalna-uway, kun tengteng na ikaw ya iyan, na, pakadtuwa aku ni sayid mu dun ni tas na tubig." 29 Aw miglong si Jisus kanan, "Adi kaw!" Yanagaw nyanog si Pédro adti balangay aw nyanaw dun ni tas na tubig pasinan adti kan Jisus. 30 Manang pagbatiꞌ nan sa samet, to-o sakanan nyallek, aw un da galu malemes. Yanagaw mig-ulangag sakanan, "Kay Magpalna-uway! Tabangi aku beg!" 31 Aw maksay ni Jisus pig-awidan ya bekten nan aw engata lekat adti tubig, aw piglongan nan, "Tay sa katagbiꞌ na pagsalig mu kanak! Anangaꞌ kaw magduwaduwa?"