12 Aw syumeled si Jisus adti dakulaꞌ na pamanag na Témplo na Tyumanem. Aw sa pagkitaꞌ nan sa manga utaw na nyampamaligyaꞌ aw nyampamayad, pigpalekat nan ya pag-alilin kanilan. Pigpantuwad nan ya manga lamisa na manga maglaliwanay sa kuwalta aw ya manga ingkudanan na manga mamaligya-ay sa kalupati.*21:12 Dun ni manga allaw yan, oloꞌ kuwalta na manga Judiyu ya umbaꞌ pagbayad sa ayep na un pagdugsuꞌ adti Témplo. Yanagaw ya kuwalta na taga Roma aw eped pa na banwa ka-ilangan liwanan na kuwalta na manga Judiyu pada makabayad silan sa ayep. 13 Aw miglong si Jisus kanilan, "Yeiy ya pigpasulat na Tyumanem asini muna: ‘Ya kanak balay, pagtawagen na panawagtawaganan.’*21:13a Mabasa adti Isayas 56:7c. Manang pig-imoꞌ mayu baling tagu-anan sa manga mangkatakaw."*21:13b Mabasa adti Jérémiyas 7:11.