ଗୁଣ୍ମାନି ଆଇମା
10 ଗୁଣୁ ମାନି ଆଇମା ଏନ୍ ପୋଇଦେଙ୍ଗ୍ ଆଟ୍ନାନ୍ ? ବାଙ୍ଗାରାମ୍ଦି ମାଣାନ୍ ବା ଦାନି ଦାରା ନାଣ୍ଡ ।
11 ତାନି କନ୍ଲିଦି ଜିବନ୍ ତାନିମାନୁ ଆସା ଇଡ୍ନାତ୍, ମାରି ୱାନି ଲାବ୍ତି ଉଣା ଆଏତ୍ ।
12 ୱାଦ୍ ସାନି ସାନ୍ଦି କନ୍ଲିଦି ନାସ୍ଟୁ କିଏଣ୍ଡା ନେଗିକା କିନାତ୍ ।
13 ୱାଦ୍ ମେଣ୍ଡା ବୁର୍ବୁସେଙ୍ଗ୍ ମାରି ମସିନା31:13 ମସିନା ପୁର୍ବେ କାଡ଼ାଦୁ ତିଆର୍ ଆଜି ମାର୍ହି ଉଣ୍ତ୍ରି ରକମ୍ତି ନୁଲୁତି ୱାତିଗନ୍ଦା ପାର୍ସି ୱେଡ଼ିକାଦାନ୍ ନିଜେଦି କିୟୁଦାନ୍ ପାଣି କିନାତ୍ ।
14 ୱାଦ୍ ବେପାର୍ କିନି ଏର୍ଜାଜ୍ ୱାଜା; ୱାଦ୍ ଆକରାନ୍ ନିଜେଦି କାଦି ତାନାତ୍ ।
15 ୱାଦ୍ ସିକାଟି ମାନ୍ବୁ ମାନ୍ବୁ ନିଙ୍ଗ୍ନାତ୍ ମାରି ନିଜେଦି ୱିଜୁ ଲୋକାଙ୍ଗ୍ କାଦି ୱାର୍ନା ୱିସ୍ନାତ୍ ମାରି ସାକ୍ରାଣିକାଙ୍ଗ୍ ଆଇ ଆଇ ପାଣି ସିନାତ୍ ।
16 ୱାଦ୍ କିଡ଼ିଇଦି ବିସୟ୍ ବୁଜାଜି ଆକା କଣାତ୍, ୱାଦ୍ ନିଜେଦି କିୟୁଦି ଡାବୁଙ୍ଗ୍ ସିଜି ଅଙ୍ଗୁର୍ କିଡ଼ିଇ ଉର୍ହିସ୍ କିନାତ୍ ।
17 ୱାଦ୍ ବପୁଦାନ୍ ନିଜେଦି ଜୁକୁଦୁ ତରାନାତ୍ ମାରି ନିଜେଦି କିୟୁ ବପୁ କିନାତ୍ ।
18 ନିଜେଦି ବେପାର୍ ଜେ ଲାବ୍ଦିକା, ଇକା ୱାଦ୍ ବୁଜାନାତ୍; ମାରି, ନାଡ଼ା ବେଡ଼ାଦୁ ଦାନି ଦିୱା ନାମ୍ଜି ସଲ୍ଏତ୍ ।
19 ୱାଦ୍ ନିଜେଦି କିୟୁଦାନ୍ ନୁଲୁବଦୁ କୟ୍ଜି ନିଜେଦି ୱାତି ତିଆର୍ କିନାତ୍ ।
20 ୱାଦ୍ ଦୁକ୍ତି ଲୋକା ଉଣ୍ତିଙ୍ଗ୍ ୱେଡ଼ିକା ମନ୍ତାନ୍ ସିନାତ୍ ମାରି ସିଲିସାତି ଲୋକା ଉଣ୍ତିଙ୍ଗ୍ ନିଜେଦି କିୟୁ ପିରିପ୍ନାତ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)