ୱିଜୁ ଜାଗାର୍ତା ମାଟେଙ୍ଗ୍
1 ଏ ନା ମାରିନ୍, ଜଦି ନିନ୍ ନିଜେଦି ପାଡ଼ାକାଦି ଲୋକା ମୁକୁଡ଼ାକିନି ଉଣ୍ତିଙ୍ଗ୍ ଦାୟି ଆନିମାନି, ଜଦି ଆଇ ଲୋକା ଉଣ୍ତିଙ୍ଗ୍ ପାର୍ମାଣ୍ କିଜି ଦାୟି ଆନିମାନି, 2 ଆର୍ତିଙ୍ଗ୍ ନିନ୍ ନିଜେଦି ୱେୟୁଦି ମାଟାଦି ଉରିଦୁ ଆର୍ତିମାନି ମାରି ନିଜେଦି ୱେୟୁଦି ମାଟାଦାନ୍ ଆସାଇ ଆତିମାନି । 3 ଏ ନା ମାରିନ୍, ନିନ୍ ଇଲେଇ ଇୟା ପାଣି କିଆ, ନିଜେଦିଙ୍ଗ୍ ରକିୟା କିଆ; ଏନ୍ଦାଇର୍ରିଙ୍ଗ୍ ନିନ୍ ନିଜେଦି ସଙ୍ଗ୍ତି ଅଦିକାର୍ତାନ୍ ମାନି; ସାଙ୍ଗ୍ଆ, ନିଜେଦିଙ୍ଗ୍ ସାନ୍ତି କିଜି ନି ପାଡ଼ାକାଦି ଲୋକ୍ତିଙ୍ଗ୍ ବାତିଙ୍ଗ୍ମାଲ୍ଆ । 4 ନିନୁ ନିଜେଦି କାଣ୍କାଙ୍ଗ୍ ସୁଜ୍ଦେଙ୍ଗ୍ ସିମା, ଗି ନିଜେଦି କାଣ୍ଗା ବୁଡାଦିଙ୍ଗ୍ ନାପ୍ତେଙ୍ଗ୍ ସିମା । 5 ନିଜେଦିଙ୍ଗ୍ ବନ୍ ଗରିଆ ୱାଜା ବନ୍ୱା କିୟୁଦାନ୍, ପଟି ୱାଜା ଜାଡ଼ି ଅଡ୍ନିୱାନି ଉରିଦାନ୍ ରକିୟା କିଆ ।