25 "Ndizo ke ndomubudza, musizwimanikanye nekwebutjilo gwenyu, kuti mowhodlani kene kuti mowhon’wani, kene nekwemibili yenyu, kuti mowhombalani. Butjilo agutopinda zodliwa, nembili awutopinda zwiyambalo? 26 Lingani nyunyi dzemumhepo. Adzitodzwala kene kowha kene iko sa muzwidandale, koga Tate benyu bakudzimu banodzipa zodliwa. Amuna tjilemela kupinda idzo? 27 Ndiyani wenyu angapamhidzila bulefu gwebutjilo gugwe ngekuzwimanikanya?"
28 "Nentha yeni muzwimanikanya nekwembala? Lingani kuti maluba ehango anokula tjini, haatohinga kene pfuma zwiyambalo. 29 Koga ke ndomubudza, kene naSolomoni mugudzo lile lose waka esakambala selin’ompela lawo. 30 Koga hapa Ndzimu embadza buhwa gwehango nayeyi zila, gunotjila nasi mangwana guposegwa mumoto patjibeso, atowhomumbadza kupinda igo imwi, banhu bana bugalimoyo gutukununu?"
31 "Ndizo ke musizwimanikanye muti, ‘Towhodlani?’ kene muti, ‘Towhon’wani?’ kene muti, ‘Towhombalani?’ 32 Ngobe Bataya banozwihaka zwinhu zose izwezwi, naTate benyu bakudzimu banoziba kuti mozwihaka zose. 33 Koga hakani bumambo gweNdzimu nendulamo iye kutanga, zose izwezwi zwinhu mowhozwipiwa bo. 34 Ndizo ke, musizwimanikanye nelemangwana, lemangwana lowhozwimanikanya nekwalo. Limwe nelimwe hhuba lina mamanikano alo akalilizana."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)