11 Nko nde elaka ɛkɔ, bontomwa booki Nkolo aolelɛ Yakalia, ayɛ yemala nde lɔbɔ lo loome loki etumbelo e mbaka. 12 Anɛ ɛbɔɛnɛki nde, Yakalia aotutuma mpe ayooka bɔɔmɔ. 13 Bontomwa booki Nkolo abobelɛ: «Tookake bɔɔmɔ, Yakalia, itina Ndjakomba angookɛ lɔbɔndɔ lokiɛ: waali okiɛ Elisabɛti angookobotela bona o loondo onga wɛ opaa lina Yowane. 14 Bona uuko angookopa bohalangano la ibulwako baa mpe banto buuke bangooyala la ibulwako itina i mbotwa ekinde. 15 Itina bona uuko angooyala bonto o bɔnɛnɛ nde baiho baaki Nkolo. Tangɔmɛlɛ baana ba bootwa. Angooyoola la Bolimo bo Bɔyɛngwa ima nko ayali mpɔu nde ikundi i nyango ekinde. 16 Angooyunoya bana buuke baaki Isalaɛlɛ eka Nkolo Ndjakomba ekibɔ. 17 Nde angooya lontondo nga bontomwa booki Ndjakomba, angooyala la bolimo mpe la nguya nga eyalaki la Elia, kela angokihye baihe la bana bɔkɔkɔ bɔmɔɔ, aunoye banɛ baundjwɛ nde lyanya iiki banto ba semba, itina iiki angɔbɔngyɛle Nkolo botonga.»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)