Lucas 1

Nyembo eeki Yakalia

67 Yakalia, ihe eeki bona ɔkɔ, aoyoola la nguya eeki Bolimo bo Bɔyɛngwa mpe nde ɔnɛ otepela:

68 «Bokako boyale la Nkolo, Ndjakomba ɛnɛ eki Isalaɛlɛ,

itina angoyɛ yolenda botonga bokinde mpe yobobikya.

69 Angotindɛ nguya e lobiko

nde bokundi booki Dawidi, bosali bokinde.

70 Uuko lobo lwebyaki nde ima ndɛlɛ nde bonya booki ntepeli ikinde i bɔyɛngwa,

71 wambɔ lobiko lootuumola nde bɛbɔ beki banto baayali la nso ilanga

la nde nguya eeki baatuuna.

72 Aɛniaki bɔlɔti bokinde eka ba nkaa ikinso,

aobopwa mpe boheka buuko bɔyɛngwa bɔkɔtɔki nde la ibɔ.

73 wambɔ elaka elakoyaki nde nkaa ekinso Abalayama,

74 mbɔ angootuumola nde bɛbɔ beki baayali la nso ilanga,

mpe angootopa epoha kela tobokumye nkooka bɔɔmɔ,

75 kela toyale banto ba bɔyɛngwa la semba nde baiho baakinde

biina benkuma beyali nso nde bolongo.

76 Nga la wɛ, bona, bangookweta ntepeli eeki Ndjakomba ɛnɛ e lobola,

ongota lotondo loki Nkolo kela ɔbɔbɔngyɛle beboko,

77 ongolakye botonga bokinde lobiko lɔnɛ looye

nde ndjela e boliboli bahumu.

78 Uuko ndenge ɛtwɛnia Ndjakomba bɔlɔti la ihɛi ikinde:

aɔtwɛlya la lwɛya lookinde lo bɔnɛnɛ nga lɔnɛ loki waane bo nkɛhɛ,

79 aɔyɛlya banto baayali nde buulima mpe ntutama la nyɔi,

kela atwɛnie lokolo lo yɔkɛndɛ nde ndjela etokitya nde hɛi.»