Lwɛlya looki mpata ebungaki mpe ɛhwɛnia
1 Bataakoli ba mputi la bahumuki bayaki ibɔ bankuma ntute la Yesu itina iiki baoke iitepela nde. 2 Bafalisaya la balaki ba bobeko bayɛɛ balikake bɛnsɛkɔ mpe bahangake: «Bonto uuko ayɛɛ aambake bahumuki mpe alɛke nde la ibɔ!» 3 Ɛkɔiko, Yesu abapɛ lwɛlya lɔnɛ: 4 «Nga boyali nyo aiko, kaki ɔmɔɔ ayali la mpata ikinde bonkama mpe ɛmɔɔ yobunga, tangohenya mpata ntuku ibwa la ibwa nde bokili bo bɛkɔngo kela atu yotilaka iiko ɛmɔɔ engobungɛ tii nko akyɛne? 5 Kaki mpe ahwɛnɛ ɛkɔ, aoketika nde nhanga la ibulwako inkuma. 6 Mpe kaki ahunwa nde botumba bokinde, ayeeta baninga la banto baakiha la nde ntute mpe aobahangela: "Loyaka tobulwe itina ngwɛnɛ mpata ekimi ebungaki." 7 Ndobela, ibulwako ingoyala nko ndenge ɛmɔɔ nde liko itina iiki bohumuki bɔmɔɔ angohenyɛ mbo i bobe, ipenda la ibulwako itina iiki banto ntuku ibwa la ibwa baapa la mpoha bahenye bobe.