Bona obungaki mpe ahwɛnia
11 Yesu aunwɛ yohanga: «Bonto ɔmɔɔ ayalaki la bana bape. 12 Bona ɔnɛ o eboha abelɛ ihe: "Papa, ompa ekimi ndambo e lokutu." Ihe mpe abakapolelɛ lokutu lokinde. 13 Mbuha e biina, bona ɔkɔ o eboha akɔhɛ lokutu lokinde lonkuma, atɛ ehe ɛmɔɔ e buuli. Mpiko, apitɛ lokutu lokinde lonkuma la boyongo. 14 Anɛ eheyɛ nde yɔkɛndya byomba binkuma, ndjala enɛnɛ yɔtwɛ nde ehe ɛkɔ, mpe akitɛ nde bokelelo. 15 Atɛ itɔɔtwa nde bohala eka bonto ɔmɔɔ nde ehe iiko. Bonto uuko aotindɛ nde ngena ikinde itolehya ngulu. 16 Atilaki ale nkya byomba bilɛkɛ ngulu, tabata bonto ɔnɛ opaa bikɔ. 17 Ayakɔtɔlɛ nde kiika mpe ayabelɛ: "Buuke bo basali baaki Ihe ekimi balɛ byomba nga bolangi botema mpe bitikalake; lendaka emi anɛ mbwa la ndjala! 18 Ntunwa eka ihe ekimi, ndjoli yohangela: Papa, nkelɛ ihumu nde baiho baaki Ndjakomba mpe nde baiho bakiɛ. 19 Ntyɛli lenkina yetama bona okiɛ; onkɔhe nko nga bosali bokiɛ." 20 Abutɛ ndjela yunwa eka ihe ekinde.»
«Nko ayali botale, ihe ekinde awɛnɛ mpe abookelɛ ihɛi: apuhwɛ itoponana la nde, ayalikɛ nde byonge biki bona mpe aolingɛ ɛkɔpi. 21 Bona abelɛ ihe: "Papa, nkelɛ ihumu nde baiho baaki Ndjakomba mpe nde baiho bakiɛ. Ntyɛli lenkina yetama bona okiɛ..." 22 Ihe abelɛ basali baakinde: "Lokela kwa, londjele bonkoto bopenda ilɔ, lɔɔlɔtye; lɔɔlɔtya ikɛtɛ nde bohai, bikote nde bekolo. 23 Loyaka la ngɔmbɛ e baita baita, lolyake, tɔle mpe tokele ntɛkɔ. 24 Itina, bona ɔnɛ okimi wɛnɛ nyo anɛ, awaki, anguunwɛ la lobiko, abungaki mpe angwɛniɛ." Babangɛ mpe ekola e ntɛkɔ.»