Luk 19

Yesu la Zakayo

1 Yesu aɔtwɛ Yeliko mpe akɛndɛ imonga lonkundu. 2 Bonto ɔmɔɔ, lina ikinde Zakayo, ayɛ la nde aiko. Ayalaki bonkondi booki balɛmbɔli ba mputi mpe ayalaki bokulaka. 3 Atilaki aɛne mpe aebe Yesu, yaa taɔhɔ yɔbɔɛnɛ itina banto bapendaki buuke, nde mpe ayalaki buube. 4 Apuhwɛ bona o lontondo, atɛ itokondela nde bote bɔmɔɔ*19, 4 Nde buku, bote eyali sikɔmɔlɛ, bote buuko bopali ekanso Ekonda. kela aɛne Yesu anɛ ekoleka nde aiko. 5 Anɛ ekitaki Yesu nongi ɛkɔ, auleyɛ baiho nde liko mpe abobelɛ: «Zakayo, hulwa kwa; lɔlɔkɔ nkihɛ nde botumba bokiɛ.» 6 Zakayo ahulwɛ lobango lobango mpe aboambɛ la bohahalo bonkuma. 7 Anɛ e ɛnɛki banto bankuma ngauko, baumumɛ mpe bahangɛ: «Lenda, angotɛ itokiha wambɔ eka bonto o bahumu !» 8 Zakayo aemalɛ ntondo eeki Yesu mpe abohangelɛ: «Nkolo, nkapela bɛmbɔlɔ eteni e bape e byomba bikimi, mpe nga mpɔmɔlɔki bonto yomba ekinde, mbunoyela ɛkɔ mbala inɛi.» 9 Yesu nde ɔnɛ ootepela itina ikinde: «Lɔlɔkɔ, lobiko lɔngɔɔtwɛ nde botumba bɔnɛ, itina wambɔ bonto ɔnɛ ayali la nde bonkana ooki Abalayama. 10 Nhɔhɔlɔ, Bona ooki bonto ayaki yotila mpe yobikya binɛ biundjwɛ.»