Koj tano najbaro
24 I o učenikija počminge te akošen pe koj tano lendar najbaro.
25 A o Isus phengja lenge: "Javere nacijengere cajra so na džanena e Devle vladinena upro lende hem o upravnikija da lengere vladinena silaja upro lende hem vikinena len ‘manuša so kerena šukaripe’. 26 Ama tumen ma oven asavke! Nego, o najbaro maškar tumende, neka ovel najtikno, a o vodači neka ovel sar sluga. 27 Koj tano pobaro? Adava soj ki sofra ili okova so služinela? Nane li adava soj tano uza ki sofra? Ama me sijum maškar tumende sar okova so služinela.