3 "Atmi yon̄teg galsi. Net vitwag mavan so nivah niwit lētqē nonon.4:3 Gēn so vah niwit gōh, gēn suwōy soloteg ēwē tō kēy mōtōw. 4 Kē meswuy soloteg nōswō wit n̄a lētqē nonon. Tō yatkelgi misisgoy metehal ba ige men van me tō gen qēt. 5 Ba yatkel wit misisgoy lamahē a nevet aē antan, tō kēy memtow togotgo veg nēvētan alge nusu. 6 Ba mahē a nalo nihey maymay meh en, tō nisqo meyen̄ qēt kēy veg nōgōygōyyēn et yow qōqō te. 7 Ba nōswō wit yatkelgi misisgoy lum̄un wolkokon̄ay tō kēy memtow, ba nowolkokon̄ay nan metquy goy kēy tō kēy et ō te nēway. 8 Ba yatkelgi misisgoy lēvētan mey nēwē, tō kēy memtow galsi, tō milililwo, tō mō nēway, yatkelgi nēway son̄wul tēl, yatkelgi son̄wul levete, wa yatkelgi m̄eldēl."
9 Tō Tigsas mavap wo, "Nēdēln̄ami wo aē, ba atmi yon̄teg galgalsi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)