MATAYO 16

Nɛngɛ ɔ mapa ɔ Bafalusai na Basadukai

5 Ehole ɛkatisa batingami ta dɔngɔ la dua ikina la ibeke inɛnɛ, babosaa otomba mapa. 6 Bea Yesu abala na bu boo: «Tomangataanani na nɛngɛ mapa ɔ Bafalusai na Basadukai.» 7 Batingami balɛdjana ko basahɔdjana boo: «Abalaka bea tina ɛ boo lotombiti mapa.» 8 Yesu asipoa malɛi ma bobo ko abahɔdja boo: «Tina ɛsabaleanaka no mɛɛnɛ ɛlɔkɛ oditini na mapa nda? Bato ba edhimeli ekɛkɛ! 9 Opakitaa sipoani oko? Obosaini mapa matano imakabanea no bato koto itano, ko motswua ma mapole imatomba no? 10 Obosaini koko mapa saambo imakabanea no bato koto inei ko motswua ma ngombe idjatomba no? 11 Moda ndani otasipoakani boo natabalaka ta diko la mapa ehole ebalaki mbai na nu boo: Tomangataanani na nɛngɛ mapa ɔ Bafalusai na Basadukai?»

12 Bea batingami basipoa boo aibalaka na bu boo bangataane na nɛngɛ mapa, endolo bangataane na bileho ba Bafalusai na Basadukai.