Mateus 18

Ekuanedji e mosali iyona olona bokutubanedja

21 Iboa Petelo abatama mbuti na Yesu ko amowadja bo: «Kumu, natungi bokutubanedja mwange o mbi iyona okɔini bobe mbala djeka? Mbunoko mbala sambo?» 22 Yesu amosɔmbedja bo: «Nabaliti na wɛ mbunoko mbala sambo, endelo mbunoko mbala tuku sambo na sambo. 23 Ta tina emina, Bokumu bo busa bobwani na mokondji omɔti opalaka bobɔngedja midjɔ mi nde mi palanga engbanga na basali ba nde. 24 Ta ehole e banga iyo bokɔ, bamolwɛɛ mosali omɔti odaaka na nyongo e nde taleta*18, 24 Taleta edii embete e palanga djinɛnɛ. koto doomi. 25 Abo aipeaka nongo eka emɔti e boputa na nyongo; moswa nde apa mitindo bamotɛkise na mwali o nde, baana ba nde, ko eka esusu edaaka na nde bɛngi apute nyongo e nde. 26 Iboa mosali akwa na magbunda boso bo moswa nde, angulama, ko abalaka bo: "Tukeani bosinɛɛ ko naputadea nyongo e wɛ esusu!" 27 Moswa mosali amookea ndjokwa, ko akutubanedja nyongo e mosali o nde ko amokina akɛe. 28 Iyana aimana mosali omina, asongana na mina o nde o mosala obekaka mokama mo nde mo palanga. Amobuta ta ekolo ko abala na nde bo: "Puta nyongo e mbi!" 29 Mina o nde o mosala akwa na magbunda ko asatitedjaka: "Tukeani bosinɛɛ ko naputadea nyongo e wɛ esusu!" 30 Endelo mina o nde alona; naboa akɛɛ amoisa ta bɔlɔkɔ mbunoko amoputee nyongo e nde. 31 Ehole eɛnɛ bina nde ba mosala mondumba monɔɔmɔ midjɔ, baoka ndjokwa enɛnɛ ko bakɛɛ atɔndea moswa bu mondumba monɔɔmɔ midjɔ misusu. 32 Iboa moswa bu amobea ko abala na nde bo: "Mosali mobe, mbi nakutubanedja nyongo e wɛ esusu tina e bo osatitedja na mbi. 33 Wɛ pongono obwanaki bookea minɔ pɛhɛ mondumba momɔti mookei mbi wɛ pɛhɛ." 34 Naboa moswa nde aso aoka kɛlɛ ko amoloma ta misala mipipo mbunoko amoputee nyongo e nde esusu.»

35 «Oko mondumba momina momɔti Sesa odii ta busa aokɔbibini omɔti ta tei e bino, amiti yɛɛ mwanango na molema mo nde itombo*18, 35 Boɛngɛ 6, 15. .»