Lucas 2

Emfa ki aburu Yeso

1 Me lio olɔ, Oguste*2.1 Sedzaal Oguste áli ɔ̃kwɛn wu ɔ̃kiri wa Lom. Me lio olɔ, ɛ̃kiri myam mvieel ɛ̃li ke nsɛn a Lom. wu ɔ̃kwɛn wu ɔ̃nɛn, otam baal a ndɛ ɔ̃tsiɔ a baal bam bueel ba nsie a ndɛ osa. 2 Oyɔ nsa yi ɛ̃kwel yi asa ɔ̃tsiɔ wu obobɔ. Me lio olɔ, Kilinus áli mfam wu ɔ̃kiri wa Sili. 3 Baal bueel bu ayesa ɔ̃tsiɔ, mbuul bwɛn a mbuul onse bviil li áburu ndɛ.

4 Dzedzef hɛ̃ ombal bviil li Nadzalet li ke nsie yi Ngalile, oyɛn bviil li David li Betelem, li ke Yude. Ke ngwel wɛ, ndɛ wu Dzedzef áli mbuul wa yam li David. 5 Ndɛ oyɛn bviil olɔ, me ndɔɔ yi ayesa ɔ̃tsiɔ okɔ, ye Mali, wu muaan-ɔ̃kaal wu ésɔɔn ndɛ me ndɔɔ yi abaal, wu áli hɛ̃ ye yam.