Yesu anangula hali valongisi va mezi a lishiko na Vafaliseho
1 Ambahoni Yesu uahandekele ku vivunga na kuli vandongisi vendi nguendi, 2 "Valongisi va lishiko na Vafaliseho vatumama ha cituamo ca Mosesa, 3 kaha lingeni nakutala vioshe vije vamileka, vuno honi keti vije vivalinga, muomu vakambulula vije kuvekulinga. 4 Vakakutu viteli via kulema vije viavikalu kuviambata, nakuvituika ha vitsili via vantu, vuno honi vakevo kuvekujundulako cipue na munie uavo ha kuvijundula. 5 Vioshe vije vivakalingi, vakavilingila linga vantu vavamone, muomu vakakutilila mikanda ya visoneka ha maholo avo na ha mavoko avo, na vulaha vua tundombe tua tuzaku tuavo, 6 kaha vakevo vazanga cihela ca vulemu ku viuano na vitumamo viacili mu vinjivo via malombelo, 7 nakuvameneka nakasingimiko ku vihela via kulandesela, nakuvasana nguavo ‘Mulongisi’ ku vantu.